حمصي دعس 26 شخص
في مرّة رجال الشرطة دخّلوا حمصي على الضابط
وقالوا له يا سيدي هذا الحمصي قتل 26 شخص بسيارته
الضابط ما اقتنع بالقصة راح وسأل الحمصي
قال له الضابط : كيف قتلت 26 زلمة ؟
رد عليه بكل أدب وثقة بالنفس : إسمعني ياحضرة الضابط ، أنت رجال
فهمان ومتعلم وان شاء الله راح تفهم القصة ؟
انبسط الضابط من ردّو وقال له : طيّب قلي كيف ؟
قال : شوف يا حضرة الضابط ، أنا هلأ طاير على الاتوستراد ، حلو الكلام ؟
قال الضابط : حلو .
قال الحمصي: تخيّل على الرصيف اللي على يميني واحد قاعد،
وعلى الرصيف اللي على يساري 25 شخص قاعدين.
قال الضابط : طيب.
قال الحمصي: وعلى يسار الطريق فيه قصر أفراح ، والـ 25 رجّال رايحين على صالة الأفراح ،
اتّضحت الصورة؟
قال الضابط : لهلأ كلامك معقول.
قال الحمصي: فجأة وأنا ماشي طق الدولاب، والسيارة تروح يا يمين يا يسار .
قال الضابط : أي نعم.
قال الحمصي: يعني فيه خيارين ، يا أدعس الرجّال ياللي لحاله ،
يا أدعس الخمسة والعشرين رجال التانين ، صح والا أنا غلطان ؟
قال الضابط : فعلاً الموقف محرج .
قال الحمصي: طيب يا حضرة الضابط ، أنت رجّال عاقل وواعي ،
وانحطيت لا قدّر الله بمتل هاد الموقف ، شو راح يكون تصرّفك ؟
قال الضابط : والله أنا بدعس الرجّال ياللي لحالو مضطر.
قال الحمصي: عين العقل ، أنا فكّرت نفس تفكيرك وقلت بدعس الرجّال اللي لحاله.
قال الضابط : طيّب كيف قتلت الباقين ؟
قال الحمصي: خلّيك معي يا حضرة الضابط لا تستعجل ،
أنا قرّرت لفّ على الرجّال اللي لحاله،
بس ابن الكلب راح هرب عالجهة التانية يالي فيا الخمسة وعشرين زلمة , وأنا إلحقه وهو يهرب وما دعسته غير لحتى اندعسو الخمسة وعشرين واحد... بس جبته بالآخر!!
الرئيسية
لتحميل الصور والملفات
دردشة المنتدى
